Android atema ‘Lifestage’ Facebook app saya

New Delhi, October 29 (Agencies) : iPhone amshirtem atema sayatsüba sülen Android atema-a Facebook indang teenager-only “Lifestage” app sayatsüogo.
Iba app ya high school kaketshirtem dak tenük yoka yangluba lir aser iba app ya video diary ka ama lir.
Iba app nung kaketshirtemi pei indang temetettsütem indang telangzübatem agütsür aser school network nung kaketshirtem indang visual profile ka sayur.
“Iba app ya Snapchat den tokteptsü atema lir, kechiyong iba nung quick video clips, filters aser emoji tem lir” ta Engadget.com-i metetdaktsü.
Iba app nung nü indang profile metetdaktsütsü atema nai video tatsütsü nung telangzübatem agütsür. Itemji nü indang medemertemi angutsü aser mapang shia update asütsüla, aji ta mesüra nü tenüng anasa ‘poop emoji’ ka sayutsü.
Lifestage ya arishi küm 21 ser teküpokpurtem atema dang lir aser amshirtemi school nung tangari yangluba video profiles reprangtsü akoker.