January 29, 2017 (Agencies): iPhone nung WhatsApp beta amshirtemi message yoker aliba meyiba bener arutsü aser zülushitsü asoshi sentong tasen ka yanglushiba osang ka sangdonga liasü aser iba kasa sentong ya Android phone amshirtem asoshi yangluba mapang ka lir, ta osang lir.
WhatsApp ajanga message yoker alibatem meyiba bener arua zülushitettsü asoshi sentong tasenba ya WhatsApp ‘Beta’ amshirtemi WhatsApp tasenba update asüba sülen settings nung yanglushitsü akoktsü. WhatsApp versions 2.17.25 aser 2.17.26 nung iba sentong tasenba amshitettsü, ta @WABetaInfo ajanga sangtongogo.
WhatsApp nungi message yokba ya lapoka mazüng aliba mapang iba message nung mapang tatsüka kongshia aliba ajanga iba message zülushitsü mesüra intoktsü asoshi maongka angutsü, saka iba sentong ya Android phone nung kodang nungi angutsüar, kecha osang mali.
iPhone nung WhatsApp amshirtemi noksa aser video mapang kasa nung 30 tashi yoktettsü asoshi maongka agüja lir.
Android phone nung WhatsApp ajanga message yoker aliba meyiba bener arutettsü/zülushitettsü added by nungsang on
View all posts by nungsang →
You must be logged in to post a comment Login