Andy Murray-i Queen’s Club takok pungubenbuba nguogo

London, June 19 (Agencies) : Deobarnü Andy Murray-i Queen’s Club nung otsü tasen ka yangluogo aser ibaji iba asayamung indang takok marok punguben anguba lir.
Tanü Andy Murray-i Milos Raonic den final asaya aser pai 6-7 (5/7), 6-4, 6-3 ajanga takok angu.
Tanü takok ajanga Murray-i Queen’s Club takok pezüben angur asayar parnok ti ajangtetogo. Taoba mapang Queen’s Club pezüben tashi takok ngua alirtem rongnung John McEnroe, Boris Becker, Andy Roddick aser Lleyton Hewitt nunger dena lir.
Tanü ghona ana ser minute 13 shi asayadang Murray-i Raonic den kanga meranga asaya aser takok angu.
“Iba asayamung nung putiotsü aika lir aser tereprangertem aika adenshir. Iba asayamung nung punguben tashi takok angubaji kü atema konang ulura lir” ta Murray-i ashi.
“Milos Raonic indang serve kanga tajung aser khenkhen onsara jungra liasü. Ni pa den meranga asaya aser iba jagi takok angu” ta paisa shisem.
Tanü takok anguba ya Murray atema 37th career ATP title lir aser 2016 küm asoshi tanabuba takok lir.