Andy Murray Rome Open final-i iogo

Rome, May 14 (Agencies): Britain nunger Andy Murray-i semifinal asaya nung takok ngua tang tasayadak Rome Open tennis asayamong tebur singles final asayatsü jenjang tanü, Honibar nü ajangzükogo.
Tebur World No. 2, Murray-i ghonda ka shi nung points 6-2 6-1 ngua France nunger Luca Pouille semifinal asaya nung tsükdaktsü.
Taoba mapang Grand Slam takok marok 2 tashi agizüka alisang, Murray-i Serbia nunger Novak Djokovic mesüra Japan nunger Kei Nishikori na rong nung ka den final asayatsü.
World No. 1, Djokovic-ia points 7-5, 7-6 (4) ngua Spain nunger Rafael Nadal quarterfinal asaya nung tsükdakja Nishikori den semifinal asayatsü jenjang yashi, Hokolbar nü ngua liasü.
Yashi takok anguba sülen Djokovic-i Nadal den 49 ben tashi ajurutepa asayadang 26 ben tashi akoker kümogo.
Nishikori-ia Austria nunger Dominic Thiem madak takok ngua semifinal-i aiba osang jangjaogo.