Anendaka alirtem maneni Tuensang-i arudar

Tuensang, Monupii/May 21, 2020 (TYO): Brehostibarnü (21. 05. 2020) tashi, tanga tesem nung anendaka alir Tuensang-i arurtem nisung 59 jungogo aser parnok ya Sao Chang Government College nung quarantine centre 48 aser JNV Chare nung quarantine centre 11 nung mungdar.
Tang tashi Tuensang-i shilangertemji Assam nungi nisung 42, Meghalaya nungi nisung 12, Uttar Pradesh aser West Bengal nungi nisung ka ka aser Arunachal Pradesh nungi nisung 3 asütsü, ta sangdong ajanga metetdaktsü.