Anepadokang

‘Aser pai kü dang ashi, ‘Kü taochi na asoshi teperi, kechiaser kü ain mokokmin nung abensadaktsür, Anungji Khrista ain kü dak alitsü asoshi ni kanga pelashishia kü mokokmin nunga uludi.’ 2 Kor. 12:9
Kodang teret sükdangba anepa arudir tanga teret dang nungi tashi taitba akümera asü, ya tesüngmangtsüka masü na? Aji dang masü saka kodang yiruba ka anepa arudir tanapen kasaji meyirutsü asoshi aseni kanga kümdanger. Yamaji asen taküm nunga kasa ji lir, kechi nungsa teraksa, tamakok aser tanela nung yiruba ajurur külen taneptsü angur iba sülen kasa jenjang jagi maitsü asoshi kanga kümdanga mita tali tashi taitba nung alir. Aser iba taneptsü aser tashi taitba akümtsu asoshi Tsüngrem dangi bener arua pa nem anepdaktsür. Kodasür Pai aneptsür? Kodang asen yirua alibatem ajak Tsüngrem tsüngdangi memiimshi Kibuba ni yangi yirua Iir ni anepjang aser merüktetjang ta pa dangi bener arudir idangji pai asen zübutem nung taneptsüba taochi sayur.
Kodang asenoki Pa dak temulung lemteta asen teraksatem bener arudir Pai aneptsütsü mulunga dang lir. Asen tashi maitem ajanga tashi taitba tapensaba kümdaktsür.
Sarasadem: Kibuba, ni yiru aliba zübu mejemtsür tajungtiba na lir. Amen