Ang-i Tokhü Emong benjungmong salem lemsateper

Dimapur, November 05 (TYO): Nagaland aser Assam na Angh, P. B. Acharya-i Lotha kin den Tokhü Emong benjungmong salam lemsatepogo.
“Küm tepiyong mapa meranga inyakba sülen Tsüngrem nungi temaotsü meshitsü aser nübur rongnung telungjem lidaktsütsü asoshi Tsüngrem nungi temoatsü meshia Lotha kini Tokhü Emong benjungmong ya kümshi November ita 6-7 nü amonger. Iba benjungmong tenüng nung par kin den salem osang lemsateper,” ta Angh-i metetdaktsü.
Tan benjung amongba ajanga Lotha kin aser Naga nunger ajunga nem tepela tesunep bener arutsütsü aser Naga nunger rongnung temeim aser telungjem lidaktsütsü sarasademtsür, ta Angh-isa shisem.