Angami Students’ Union-i metetdaktsür

Dimapur, February 12 (TYO): Nagaland sorkari District Office tem nung (resultant) Grade IV mapa tazüng adona nung bangdak district tem nung alirtem dang shimoktsü ta sangdongba ama mapa inyaktsü mepishir, ta Angami Students’ Union (ASU)-i metetdaktsü.
District Department Office aikati iba tetuyuba alema, tim masüba inyakyim ajanga tangartem shimoka lir. Angami litsü telongtet nung chichiba candidate tem (indigenous inhabitants) tem meshimra, onoki ozüng nung aliba ama mapa inyaktsü, ta ASU-isa metetdaktsü.
ASU-isa HSLC aser HSSLC examinations agütsüba kaketshir ajak moatsür ta ashi aser parnokisa Power Department dang tatidang agiba mapang power supply shitak agütsütsü atema ayongzük.
Maneni, ki mesüra tanga mapa inyakertemi kaketshirtem timtem magütsütsü atema aonung 06:00 ako (Study hours) sülen mapa meinyaktsü atema mepishir, ta parnokisa shisem.