Anganwadi Workers atema refreshers training agi

Dimapur, October 28 (TYO) : Ongpangkong (N) Project, Integrated Child Development Services (ICDS) kübok Anganwadi Workers atema anogo asemnü training ka ayongzüka agi.
Training ji October 25-27, 2016 tashi P. Shilu Ao, Park nung agi aser Integrated Child Development Services nung inyakba Anganwadi workers dang Maintenance of Management Information System (MIS), Growth Monitoring, Community Participation & Monthly Progress report tesayubatem agütsü.
Iba training nung yimtsüng 11 aser ward 16 nungi Anganwadi Workers 75 aden aser shisalen sayurtemji- Child Development Project Officer (CDPO), Talisangla Nokdir, Supervisor, Meyangangla Pongener, Supervisor Atsole Khalo aser Supervisor Yanger Pongen nunger liasü.