Angatet ama saka mangatet

Kinungtsü     :     Hi!!! Taküm yabo asen Ak anaprongla tu kanga dang junga yira olua kümogo, anungji dang aruya aliba Christmas benjong nung Ak ka danga ayoktsü asü koda?
Kinungbo     :     Waaa!!! Aji kü dang asüngdanger na? Oda  Ak, An amala kiset shiruru amala yabo nenok tetsür mulung süa  liangma, aser nai Akji  yoknü nunga asen Akji talir melira koda?
Kinungtsü     :    Aya! Taküm tetenzük nungi asen kidang Ak ya alia poker kelen ni iba atema dang sarasadema nung teti abener aji agi  asen Ak ya kanga dang mela ainer masü no? aser kü dang  nisung kari asen Ak ya kabosa alitsü ta kü dang kanga junga shia lir ako.
Kinungbo     :     Hauni, nü sarasademji komar temabai dang junga meteta lir aku, saka shitakbabo nü sarasadem jagi asen Akji aiener ta masü saka parnok tatongtsü wara ajak nungi kümzüka taküm mesamatsüi ana nem moatsüogo ta shiangma.
Kinungtsü     :     Hauja, süra kodang asen Ak alia bener aotsü mapang dongtir  oda anata Akji Kg 5 mesüra 6 bosa tali atudaktsütsü atema nai dokan kar nungi asenok achiba metsü ya Kg 5 danga bushia bener arung no aser aji tzü nung aiteper jemdaktsüdikor nai aji tamadokma.
Kinungbo     :     Yamaji na !!! ya kechi o jembir aka ? Oda na amang sangwaji kecha memetet na sarasadem dangbo na dang ayipba atutsü ama sarasademtetter, süra dang asen kibong nung Ak ka ayoktsü mechi nung ne sarasadem tu amadoker metetsümonga tai manatsü kechi o jembir aka? Oda küm shia Khristmas tetezüji angateta  asen taküm yanglushia oda kati ka dang yimlibilem sayua aser temeim nung aria bilemja ajak den yimjung süteta ajak tajung dang lia litet nungbo ano asen kibong nung temoatsüji maneni moatsütsüasü na?
Lilir : Mr. S. Repa Pongener, Near DC Court Dimapur.