Angelina Jolie Britain nunger shishilembar ka den medemer

New Delhi, April 21 (Agencies) : Angelina Jolie ya la kinungbo Brad Pitt den balaba sülen nüknürar tasen ka nguogo. Osang ajanga ashiba agi Angelina Jolie ya tangar dang miimshia Britain nunger shishilembar ka den medemdar.
Jolie den balaba sülen Brad Pitt kanga kongra küma shisa bulur ta osang ka metetdaktsüba sülen tang iba osang ya angashir.
Osang ajanga ashiba agi, Brad den balaba sülen tanaben tangar ka den meimteptsüji Angelina atemaa kanga melarabo masütsü, ajisüaka la tang miimshia iba tebur den meimtep tenzüktsü meranger.
Brad den balaba sülen Angelina aser iba tebur tasenba na ya la mapang shia amungba Malibu estate nung tangar dang miimshia ishibenbo ajurutepa kazüogo.
Reprangtetba agi tanur trok tetsü ya Brad dena tanurtem ajak la tesüiba kinüngbo den aliba mapang mesüra la kija aliba mapang teti mapang agiteta lai jangraba mapatem inyaker.