Angelina Jolie-i London Economics school nung sayutsü

London, May 24, 2016 : Britain University ka nung mapang shia sayutsü atema Oscar sempet angula aser nüburtem atema bendanga agüja inyaker, Angelina Jolie shimogo.

Hombarnü London School of Economics-i Jolie parnok den inyaktsü osang sangdongogo. Lai Tetsür, Yimjung aser Security tsütsü master degree agirtem dang sayautsü.

La den tesüiba mapang British Foreign Secretary, William Hague-a kasa university nung sayutsü shimteta lir.

“Iba mesükba inyakyim ya tanga institution tem nunga benoka inyak nung ajungtsü kechiba süra iba ya ajanga tetsür temeten tsütsü olemtep peria kateta tim masüba mapa tamajung nungi jenbutettsü,” ta Jolie-i sangdong ka ajanga ashi.

“Ni iba university nung oa sayutsü aser yangji aliba kaketshirtem dang nungi angazüktsü yongyar. Ni sorkar aser United Nations den inyakdang ajangshibatem parnok den lemsateptsü matateter,” ta lai shisem.