Los Angeles, January 08 (Agencies): Nungtugu Hollywood actress, Angelina Jolie’er chirtem, Pax, Zahara, Shiloh aser Knox nungeri ‘Kung Fu Panda 3’ film nung ola agüja shilem agitsü renemba osang ka metetdaktsüogo.
“Angelina’er chirtemi tesüsaba Kung Fu Panda film nung ola agüja shilem agitsü renema lir,” ta Angelina’er ketdangser kati ashi.
Angelina’er chirtem, Pax, Zahara aser Vivienne nungeri ‘Maleficent’ film nunga shilem tilala agia liasü.
‘Kung Fu Panda 3’ film nung arishi küm 40 tain Angelina-i Tigress ola agüja maneni shilem agitsü renemba osang ka E!online-ia metetdaktsüogo.
Arishi küm 7 tain Knox-i tan mezüngsüa tetsü, Angelina den külemi film nung shilem agir asütsü.
Tanüngba tanurtemibo tetsü, Angelina aser tebo, Brad Pitt na den taoba mapang aroki shilem agiogo.
Arishi küm 9 tain Shiloh aser Maddox napronglai tebo, Pitt den ‘The Curious Case of Benjamin Button’ aser ‘World War Z’ film na nung shilem agia lir.
You must be logged in to post a comment Login