Angh Acharya-i anir Yoga anogomong amung

Kohima, June 21 (TYO) : Indira Gandhi Stadium, Kohima nung 2 buba International Day of Yoga state level sentong nung nisung 2000 jungnüa kati shilem agiogo.
Iba sentong nung Nagaland & Assam Angh, P.B. Acharya-i anir Members of Parliament- Jugal Kishore Sharma, Yashwant Singh, Ram Narain Dudi, State ministers, parliamentary secretaries aser sorkar ketdangsertem aika aden.
Iba sentong ya Directorate of Youth Resources & Sports Nagaland-i National Cadet Corps Kohima, National Services Scheme, Nagaland Bharat Scouts & Guides, Nehru Yuva Kendra Sangathan aser Patanjali Yog Samity nunger den yaritepa ayongzük.
Ghonda ka shi Yoga aiba sülen Acharya-i osangbener den sensaksemdang ashiba agi, Yoga ya alemli India nunger sobaliba indang sempet tuluka lir aser iba ya ajanga tekolok o temang liromedemdaktsür.
Yoga ya tamangba yimsü den sendaktepa mali aser iba ya temang anema alitsü atema science aser exercise ka dang lir, ta Angh-isa ashi.
Ano, tanü Bharatiya Janata Party (BJP) Nagaland unit-ia Brahma Kumaris Centre, Kohima nung International Day of Yoga ayongzüka amung.
Iba sentong nung State BJP president, Visasolie Lhoungu-i Yoga ya temang anema ayutsü atema libaliroba yimya ka lir, ta metetdaktsü.
Alima nung Yoga kanga nüngtugu kümogo aser iba ya India asoshi konang ka lir, ta Visasolie-isa shisem.