Angh Acharya-i Delhi nung Naga nunger lennirtem den ajurutep

Dimapur, October 7 (TYO) : Nagaland aser Assam Angh, P.B. Acharya-i October 5, 2015 nü Nagaland House, New Delhi nung Nagaland kaketshir lennirtem, Naga nunger shisashirtem, sorkar ketdangsertem aser tantsü-tambutem den ajurutepa senden ka agiogo, ta Kuolie Mere PRO New Delhi-i Bodbarnü sangdong ka nung metetdaktsü.
Delhi Chief Minister Arvind Kejriwal-i Delhi nung Northeast nungertem yaritsü atema “North East Cell” ka tentettsü mapa tenzükogo aser iba mapa ya pelashishia agizüker, ta iba senden nung Angh-i ashi.
Angh Acharya-isa kaketshir lennirtem aser Naga nunger shisashirtem dang Naga nunger kin balala tsüngda telongjem bener arutsü atema inyaktsü aser ano pei shisaluyimba wadang nung takok tajung angutsü ayongzük.
Iba anogo nung Delhi Chief Minister-i Arvind Kejriwal-i Nagaland House nung Angh Acharya den ajurutep aser “Northeast Cell” indang osang lemsatep, ta PRO New Delhi sangdong nungsa shia lir.
Iba senden nung Angh kinüngtsü, Housing Parliamentary Secretary Er. Levi Rengma, Rajiv Bansal PRC, Jyoti Kalash RC, Sanjay Kumar Commissioner & Secretary to Governor, S. Saranji JRC aser B. John Chawang DRC nungertem liasü.