Angh Acharya-i Earth Hour amungtsü ayongzüker

Dimapur, March 24 (TYO) : Nagaland aser Arunachal Pradesh Angh, PB Acharya-i March 25, 2017 aonung 8:30 nungi 9:30 ako tashi Raj Bhavan den külemi Nagaland nung alirtemi ‘light’ metsükloktsü atema mepishiba metetdaktsüogo.
Earth Hour ya alima nung temelenshi bener arutsü atema lir, anungji asenoki asen kija libaliro aser mapa nunga lipoküm kümzüka ayutsüsa yimya benshidi, ta Angh-i sangdong ka nung ashi.
Earth Hour ya World Wide Fund for Nature (WWF) ajanga alima ajunga nung ayongzüka amunger. Kija, kibongtem aser shishilembabaren nung inyakertemi nüngdak maliba ‘light’ shibanga ayutsü tangatetba lidaktsütsü atema iba sentong ya kümshia ayongzüka amunger, ta paisa shisem.
Earth Hour ya 2007 küm Sidney, Australia nung mezüng tenzük aser tang tashi iba sentong ya yimti aser jila 7000 dak tema nung amunger, ta Angh-isa metetdaktsü.