Angh Acharya-i Hindi tesayurtem atema mepishitsür

Dimapur, March 29 (TYO) : Ministry of Human Resources Development, Department of Education & Literacy, New Delhi-i Nagaland nung Hindi tesayur 1379 shima aliba atema Nagaland Angh, PB Acharya-i Minister of Human Resource Development, Prakash Javadekar dangi temepishiba shidi ka züluogo.
Hindi tesayurtemji Centrally Sponsored Scheme Financial Assistance for Appointment of Language Teachers kübok shimba lir aser parnokji December 20, 2017 tashi mapa inyaktsü mapang apulokjang, ta Angh Acharya-i shidi nung shia lir.
Central Government-i 12th Five Year Plan period 2012-2017 tembangba sülen iba Scheme anentsü ta osang metetdaktsüogo. Arrtsü anasa aliba Nagaland ama tongtipang state ka nung Hindi oshi jembirtemji Linük akangshiba nung tongti shilem agir. Anungji Non-Hindi State tem nungbo iba Scheme maneni inyaktsü mepishir, ta paisa HRD Minister, Javadekar dang shidi nung mepishia metetdaktsü.