Angh Acharya-i Tir Kovind den ajurutep

Dimapur, July 27 (TYO): Nagaland aser Arunachal Pradesh Angh, PB Acharya-i July 25, 2017 nü Ram Nath Kovind-i Tir inyaktsü tenangzükba agiba sentong nung aden aser iba sülen Acharya-i Bodbarnü Rashtrapati Bhavan nung Tir den ajurutep, ta PRO to Governor sangdong ka nung metetdaktsü.
Iba mapang Angh-i Tir nem Nagaland indang sü tabentsü ka aser jiru ka sempet agütsü. Jiruji Pineapple Festival of Nagaland tenüng nung sempet agütsü, ta sangdong nungsa shia lir.
Angh Acharya-isa Tir Nagaland-i arutsü atema jaok aser idangji Tir-i pai 2017-18 tour aotsüba nung züluoka ayutsü ta shia mulunga agizük.
Angh-isa July 25, 2017 nü Union Home Minister, Rajnath Singh den aser July 26, 2017 nü Minister for Culture and Tourism, Government of India, Dr. Mahesh Sharma na den ajurutepa Nagaland aser Arunachal Pradesh state tem dak sendakba onüktem lemsatep, ta ta PRO to Governor sangdong nungsa metetdaktsü.