Angh-i AR Raising Day salem metetdaktsü

Dimapur, March 25 (TYO) : Nagaland aser Arunachal Pradesh Angh, P.B. Acharya-i Assam Rifles 182 buba Raising Day salem metetdaktsüogo.
Raising Day ji March 24, 2017 nü amung aser Angh Acharya-i Director General, Assam Rifles, Lt. Gen. Shokin Chouhan dangi züluba shidi ka nung AR nung inyakertem aser kibongtem den tepela salem abenba osang metetdaktsü.
Assam Rifles-i WW I nung Europe aser Middle East, WW II nung Burma, 1962 küm Indo China War, 1971 küm Indo-Pak War, Sri Lanka, Jammu & Kashmir aser India kübok North Eastern State ajak nung Counter Insurgency Operations aser Haiti nung UN Mission nung shilem tajung agiogo, ta Angh-i shidi nungsa shia lir.
“Kümtem süia arudang Assam Rifles nung tasütait sepaitemi linük asoshi taküm bendanga agüja raraogo aser iba asoshi ni parnok nem konang tetushi agütsür” ta Acharya-isa shisem.
Assam Rifles ya India nung Para-Military Force tejentiba lir aser parnoki North East India nung aliba lisopurtem ajungkettsü atema welfare project balala inyaker. Ibaji dang masü AR-i linük anüker, aser maneni parnoki linük sobaliba nung ammeter mapa inyaka aotsü imlar, ta Angh-isa shidi nung ashi.