Angh-i asür kibong den asüko lemsatep

Dimapur, Tsüklai 1 (TYO): Nagalang Angh, PB Acharya-i taoba minister, Nyeiwang Konyak Aenjeti 31, 2018 nü Dimapur nung ajungbena asüba osang angashi aoksar, ta lemsatepa liasü.
Wt. Ngulanie-u Nyeiwang dangi asüko lemsatepa züluba shidi nung Anghi ashiba agi, asür Nyeiwang Konyak-i Naga nungertem mapa balala nung tenzükogo aser Naga nunger lokti ajungkettsü mechi nung bendanga agüja inyakogo. “Pa asüba ajanga tapok tuluka adokdaktsüogo koba süngdaktsütsü asoshi tasak asütsü. Nübur atema teti bilema aliba yimten yimsüsür ka samaogo,” ta Anghi ashi.
Anghisa asür kibong den asüko lemsatepba den iba amala tejashi tia koktettsü asoshi Tsüngremi parnok nem tashi agüjang ta sarasademba lemsatepa liasü.