Angh-i Chief Postmaster General, North East Postal Circle den ajurutep

Dimapur, Metsürmei/March 7 (TYO): Chief Postmaster General, North East Postal Circle Mariamma Thomas den Kohima Head Post office nungi ketdangsürtemi Nagaland Angh La Ganesan den Raj Bhavan, Kohima nung March 7 nü jurutepogo.

Chief Postmaster General NE circle-i Angh nem Souvenir pongdang ka agütsü, kong Shri Ram Janmbhoomi Temple indang commemorative stamps trok aketba Memento ka, Ramayana’ indang kaket, First Day Cover aser Ayodhya nungi tzü aser ali densema liasü.

Parnoki Nagaland State aser North East nung department indang inyakyim balala indang sensaksema liasü.