Angh-i Easter salem abener

Dimapur, April 13 (TYO): Nagaland aser Arunachal Pradesh Angh, P. B Acharya-i state nüburtem dang Easter salem lemsateper, ta Raj Bhavan sangdong ka nung metetdaktsü.
Khrista tasü nungi shia aruba ajanga ochi agi temenen madak takok anguba aser tesempa dang nungibo temeimji tuluba ta temaitsü sayur, ta shia Angh-i nüburtem dang, tasü nungi shia aruba anogo ajanga ajaki yimjung, tesünep aser adianu temeimtep atema inyaktsüla, ta ayongzük.
Paisa nüburtem dang state nung yimjung alitsü atema sarasademdaktsüner ta mepishia metetdaktsü.
“Easter benjungmung ajanga asenok ajak dak temeim aser taitoktepba tanela lidakjangma,” ta state Angh, Acharya-isa sangdong nung shia lir.