Kohima, Metsüremi 12 (TYO): Nagaland Angh, PB Acharya-i, Rev Chingmak Chang aser Eleutheros Christian Society (ECS)-i tepetzük tia nung alirtem atema mapa tajung inyakba ajanga ‘thematic category for health in recognition’ nung akhümket sempet HCL Grant anguba atema tenüngsang agutsü, ta tanü PRO to Governor sangdong ka nung metetdaktsü.
Shidi ka ajanga Angh-i Rev Chingmak dang, ECS atema nümatanga bilemer aser iba Award anguba ajanga organization-i maneni state nung tepetzük tia nung alirtem atema ano tajungba inyaktsü, lokti tebilemtsü balala atema inyaktsü aser yimtsüngtem nung entrepreneurship ajungkettsütsü atema ajungmesotsü imlar, ta ashi.
Angh, Acharya-isa, ECS-i Self Help Groups (SHGs) ajanga tetsürtem nem tashi taliba agutsütsü atema inyakba angashia pelar, ta ashi.
District asem kübok yimtsüngtem nung ECS-i health care services agutsüba aser Eastern Nagaland nung HIV/AIDS tajemba kümdaktsüba nung shilem agir, aser item mapa tajung atema tenüngsang agutsütsü tetemsü, ta Angh-isa metetdaktsü.
You must be logged in to post a comment Login