Angh-i Indigo nem tenüngsang agütsür

Dimapur, January 15 (TYO) : Delhi Police den yaritepa Indigo Airlines-i ‘Akhiri Ahuti’ ta ser social service tenzükba pela agizüker aser tenüngsang agütsür, ta Nagaland Angh, P.B Acharya-i sangdong ka nung metetdaktsü.
‘Akhiri Ahuti’ kübok Indigo Airlines-i Delhi nungi North East nunger tasümang North East nung pei talidaki angati bener arutsütsü.
“Nenoki North East nungertem atema aria bilemtsüba kanga jenjang reta agizüker. Asenok ajak ka dang aser Corporate Social Responsibility (CSR) ajanga North East nunger kanga teyari angur” ta Nagaland Angh-isa sangdong nung shia lir.
Nagaland sorkar aser Nagaland nung aliba nübortem tenüng nung ni Indigo Airlines dang kanga pelaba metetdaktsür, ta Acharya-i Indigo Airlines President & Whole Time Director, Aditya Ghosh dangi züluba shidi nung shia lir.