Angh-i K T Thomas mang ayimer

Dimapur, January 28 (TYO) : Tourism Department, Nagaland, Director, K T Thomas ajungbena asüba osang angashia aoksar aser temulung raksar, ta Nagaland Angh P.B Acharya-i asür kinungtsü Mrs. Lucy Rengma dang shidi ka nung metetdaktsü.
Asür K T Thomas ji aika ajangshia aruba nisung ka liasü aser pa ya tendendak aser bendanga agüja mapa inyaker ka liasü. Pa lenisüba kübok Tourism Department-i maparen ajak nung terenlok liasü aser International tourism map nung Nagaland densemdaktsü. Pa iba akümli toktsür aobaji Tourism Department aser Nagaland nung alirtem atema takoksa ulura lir, ta Angh-isa ashi.
Na aser nür kibong den asüku lemsateper aser Tulusangi nenok nem tashi aser tesünep agüjang ta sarasademtsür, ta Angh-isa Mrs. Lucy Rengma dangi shidi ajanga metetdaktsü.