Angh-i Kuki nunger den Kut salem lemsatep

Kohima, Mongputeni/October 31 (TYO): Nagaland Angh, PB Acharya-i Kut benjungmong nung Kuki nunger den benjung salem lemsatep, ta PRIO to Governor sangdong ka nung metetdaktsü.
Iba benjungmong ya küm ka piyong mapa meranga inyaka arur chiyungtsü jenti rizünger pelaatepba benjungmong ka lir, ta shia Angh-i ajak dang Tsüngrem temeim aser temoatsütem, atema Tsüngrem nem tenüngsang agutsütsü ayongzük.
Paisa, benjungmong ya longjemtsü atema mapang ka südaktsütsüla, ta shia pai ajak dang, state nung lenlang ajaklen terenlok alitsü atema yimtsüngtem aser jilemtem nung tesünep alitsü ayongzük.
Angh, Acharya-isa Kut benjung ajanga lanurtem aser yimtsüng nung alirtem nem semept balala asser tashi sayatsü atema maongka agutsütsüla, ta ashi.
“Iba benjungmong ajanga Kuki nunger nem tesünep, telongjem aser azükaru bener arujang ta sarasademtsür,” ta Angh-isa shisem.