Angh-i Lt. Gen. V.K.Nayar (Retd.) mang ayimer

Dimapur, December 2 (TYO) : Raj Bhavan sangdong ka nung Nagaland Angh, P.B Acharya-i New Delhi nung Lt. Gen. V.K.Nayar (Retd.) PVSM, SM asüba atema mangyimba osang metetdaktsü.

Asür Lt. Gen. V.K Nayar (Retd.) PVSM, SM-i Nagaland nung Angh mapa repsema inyak. Pa 1993 küm Manipur nung Angh inyaka alidang Manipur nung telungpur aser kin o kin tsüngda rara adoka tensa kanga mejungi aküm, saka Lt. Gen. Nayar ajanga tensa azüoktet. Pai lokti asoshi mapa inyakbatsütem kodanga mamatsü, ta P.B Acharya-i sangdong nung shia lir.