Angh-i Neichute Dulo nem tenüngsang agütsür

Dimapur, October 11 (TYO) : Entrepreneurs Associate, Kohima nung CEO, Neichute Dulo-i Social Entrepreneur of the Year (SEOY) – India 2016 Award anguba atema tenüngsang agütsür, ta Nagaland Angh, P.B. Acharya-i sangdong ka nung metetdaktsü.
Iba sempet ya Schwab Foundation for Social Entrepreneurship and Jubilant Bhartia Foundation ajanga agütsür.
Linüki Neichute Dulo aser Entrepreneurs Associate’s (EA) ajanga Nagaland nung lanurtem ajungkettsü merangba meteta kümogo. Iba sempet ajanga Entrepreneurs Associate, Kohima-i alizüng tuluba yur mapa inyaktsü ta ajungmesotsü imlar, ta Angh-isa ashi.
Entrepreneurs Associate ajanga Naga loktiliba nung temelenshi bener arutettsü aser Nagaland nung alirtem rongsenren tsütsü tashi itdaktsütsü akok, ta Angh Acharya-isa metetdaktsü.