Angh-i NU 24 buba Foundation Day nung aden

Dimapur, September 6 (TYO): September 6, 2017 nü Nagaland aser Arunachal Pradesh Angh, P.B Acharya-i Lumami Headquarters nung Nagaland University tenteter küm 24 ajungba sentong nung aden.

Angh Acharya ya Nagaland University nung Chief Rector lir aser pai tanü o jembidang, University kechi jenjang tongogo ibaji meyipa reprangdangtsü aser shisadangtsü ayongzük.

Asenoki alizüng ayuba ama University ji ketdangsüa odar asü ta meyipa reprangdangtsüla, ta pai ashi.

Centre-i Look East Policy ta ser North Eastern State tem renlokdaktsütsü atema mapa inyaker aser iba nung Nagaland dena lir, ta Acharya-isa shisem.

Iba sentong nung Vice Chancellor, Nagaland University, Prof. Pardeshi Lal-i tesentepertem pela agizük, Nagaland University Teacher’s  Association(NUTA), Nagaland University Non-Teaching Association aser Post Graduate Students Union (PGSU (L) nungi o tatsütsü jembi.