Angh-i Ratan Tata dang pelaba lemsatep

Kohima, October 27 (TYO): Nagaland Angh, P.B.Acharya-i shidi ka ajanga Tata Trusts Chairman, Ratan Tata dang Tata Trusts-i Northeast nung state 5 nung cancer tashidak treatment atema sen crore 1,000 agütsütsü atema sangdongba asoshi pelaba lemsatepogo.
Tanü Raj Bhavan sangdong ka ajanga, iba ama temeim mapa ajanga cancer tashidak agi shirangertem yariba dang masü saka linük nung Research Institutes tajunga amenoktettsü, iba den külemi lokti atema mapa tajung inyaktsü asoshi tanga Charitable Trusts tema ajungshitsü, ta metetdaktsü.
Shidi nungjisa Angh-i, Semoma Student’s Welfare Board Trust aser Tata Trusts Scholarship 2017 lemtsütsü atema Raj Bhavan, Kohima nung sentong ka ayongzüka agiba metetdakja lir.
Tata Trusts-isa tetsürtem hostel-a ka lapoka lir aser ibaji Kohima nung SSWBT-i achaayanga repranger.