Angh-i Sukrunye benjung salem lemsatep

Dimapur, January 14 (TYO): Sangdong ka ajanga Nagaland Angh, PB Acharya-i Chakhesang nunger Sukrunye benjung salem osang lemsatepogo.
Angh-i, “Sukrunye benjungmung mapang ni Chakhesang nüburtem den salem osang lemsateper,” ta ashi.
Paisa, “Sukrunye benjung ajanga, pei meshitetba aser merüktetba den lenmang tasen nung ajemokba temaitsü sayur, anungji Naga nungeri kati ka dang tai tokteper lenmang tasen nung jaja tenzüktsü aser teti atema yimjung bener aruba den lokti ajungkettsü ni tamang akar. Iba benjungmung ajanga Naga nunger nem yimjung aser azükaru bener arujang aser nüburtem tsüngda temeim aser telongjem tali tashi itdakjang ta sarasademtsür,” ta paisa shisem.

You must be logged in to post a comment Login