Angh-i Tsüngremong salem lemsatep

Kohima, Luroi/August 01 (TYO): Nagaland Angh, RN Ravi-i Aoertem den Tsungremong benjung salem lemsateper, ta tanü PRO to Governor sangdong ka nung metetdaktsü.
Nagaland Angh, RN Ravi-i salem osang ka ajanga, taküm lenla ajunga nung Aoertem nem azükaru agüjang aser Nagaland nung alirtem nem takok agujang ta sarasademtsür, ta sangdong nung shia lir.
Naga nunger kintem takar sobaliba wazüka ayutsüla aser ajungkettsütsüla, ta shia Angh-i, “Tsüngremong benjung ajanga pei sobaliba den sendakteptsü aser akhi tetsü-tebou putiotsü sempet aser shisatsü sayatsü atema lanurtem nem maongka agütsütsü imlar,” ta metetdaktsü.