Angh P.B Acharya-i Art of Living centre semdang

Nagaland aser Assam Angh, P.B. Acharya-i Art of Living tenzüker, Sri Sri Ravi Shankar den ajurutepdang agiba noksa ka angur.

Dimapur, May 11 (TYO) : May 4, 2016 nü Nagaland aser Assam Angh, P.B. Acharya-i Art of Living Centre semdanga Art of Living tenzüker, Sri Sri Ravi Shankar den ajurutep.

Nagaland kübok Indo-Myanmar arrtsü anasa aliba Mon, Tuensang aser Kiphire district tem nung Health & Education sector jenjang ajungkettsü nükjidong nung iba senden amen.

Angh P.B Acharya meina Nagaland nung medical camp ayongzükba Doctor telok ka den Nagaland Post yimozülur Geoffrey Yaden nungertem liasü.

Doctor temji Dr. Hanumanthrao Palep, Mrs. Palep, Dr. K.C. Mohanty, Dr. P.S. Shankar, Dr. Agam Vora, Dr. Suparna Nirgudkar, Dr. Umesh Borwankar aser Dr. Manjari Ranade nungertem liasü.

Senden nung Angh-i India tongtiba aser North East tesem tsüngda tesentaktep tajungba akümtsü onük benoka lemsatep.

Paisa ashiba agi, Indo-Myanmar arrtsü aser arrtsü adener aliba Myanmar Naga nungertem education aser health tsütsü tangar memeneper aser iba asoshi Art of Living Trust ajanga Public Private Partnership (PPP) Hospital/School/Nursing College/Medical College/Orphanage/Health Centre amala lapoktsü lenmang lir.

Iba ajanga Nagaland nung aliba Naga nunger aser Myanmar nung aliba Naga nungertem tesentaktep akangshitsü, ta P.B Acharya-isa metetdaktsü.

Art of Living-i health centre ka lapoktsü aser iba ajanga mapang shia tezülen alirtem asoshi medical camps ayongzüka agitsü.

Arrtsülen aliba district tem nung orphanage aser school tem lapoktsü nüngdaker aser mapatongtemji Art of Living, Indian National Fellowship Centre (INFC), Mumbai aser Molungtet telok kari acha-ayanga inyaktsü.

Angh-i mepishiba nung ajemdaker Art of Living-i Rajesh ta ser Engineer ka ENPO tesem nung alirtem den ajuruteptsü yok. Iba mapang pai district shia Deputy Commissioner tem den ajurutep aser mapatong balala inyaktsü atema jembitepogo.

May 4, 2016 nü Bangalore nung Angh P.B. Acharya aser Mumbai nungi Doctor temi Art of Living tenzüker Sri Sri Ravi Shankar den ajurutepdang, Rajesh-i osang metetdaktsü.