Angh P.B. Acharya-i District Jail Kohima semdang

Dimapur, August 22 (TYO) : Honibarnü Nagaland Angh, P.B. Acharya-i District Jail Kohima semdang aser tepuokdak ayurtem aser jail ketdangsertem den ajurutepa sensaksem.
Iba mapang Angh-isa Chief Judicial Magistrate aser Government Advocate na den ajurutep.
District Jail Kohima nung tang nisung 95 puoka lir aser parnok rongnung nisung asem dak alaka tanüngba 92 indang ken o ano metembang lir. Itemji atema Angh-i CJM, Government Advocate aser sorkar okatsürtem dang tekaratiba nung ken o tem tembanga angatsü tetuyuba agütsü.
Tang puoka alirtem karbo küm 2 den tema tepuokdak lir aser Angh-i ashiba agi, Under-trial kaji ita trok dak tema tepuokdak mayutsüla.
Angh-isa jail ketdangsertem dang tepuokdak alirtem atema welfare programmes aser lokti den sensaksemba sentongtem ayongzüka agitsü ayongzük.