Angh, P.B. Acharya-i Phek semdangtsü

Dimapur, Sept. 10 (TYO): Nagaland Angh, P.B. Acharya-i September 12-13 anogotem nung Phek district semdangtsü, aser iba mapang nung pai district hospital semdangba sülen public, teintet sensotem, NGOs, tongtibang sensotem, BSG nungi district office ketdangpurtem, Red Cross aser Ex- Servicemen den senden amentsü, ta Camp Raj Bhavan, Kohima sangdong ka ajanga metetdaktsü.
Mezüng anogo nungsa Angh-i District ketdangsertem aser HoDs den senden amentsü aser tanabuba anogo nung pai Lozaphuhu Village, Phek Village aser Chizami village semdanga yimtsü-yimbo aser lokti lenirtem den shisa lemsateptsü.
Angh Phek-i aodang Pfutsero nung mapang tatsüka anenzüka Baptist Theological College Hall nung nüburtem den jembitsü, ta kasa sangdong shia lir.