Angh, Ravi-i Union Minister ajuru

Kohima/Delhi, August 29 (TYO): August 29, 2019 nü Transport Bhavan, New Delhi nung Nagaland Angh, RN Ravi-i Road Transport & Highways Union Minister, Nitin Gadkari ajurua senden menogo, ta tanü PRO to Governor sangdong ka nung metetdaktsü.
Iba senden nung Nagaland nung NHIDCL kübok gari lenmang project 14 jenjang asadang, talisa Dimapur-Kohima four lane project atema jembiogo.
Ajioda Union Minister-i item project ajak mapang shidak nung renema inyaktsü atema akokba tashi inyaktsü, ta metetdaktsü.
Angh, Ravi-i mapang shia NHIDCL ketdangsertem densema tanga tim ketdangsertem den item projects terenlok jungja asadangtsü, ta kasa sangdong nung shia lir.
Kasa senden nungsa Chairman NHIDCL aser Ministry nungi tongti ketdangsertema densema liasü.