Angh, RN Ravi-i Sumi nunger den Ahuna benjung salem lemsatep

Kohima, Yimpoksüi/November 13 (TYO): Nagaland Angh, RN Ravi-i Sumi nunger den Ahuna benjung salem lemsatepba den külemi aluruwa sülen amongba iba benjung amonger ajunga den benjung salem lemsateper, ta Raj Bhavan, Kohima sangdong ka nung metetdaktsü.
“Iba ama benjungmong mapang ni Sumi nunger, Sumi tsürtem, taintem aser lanurtem dang Naga nunger lokti aser kidanger state tem dang maneni yimjung, temeim aser telongjem osang proktsü ajungshir,” ta Angh-i lemsatep.
“Naga nungeri mera tasen ka tenzüktsü atema atadang Sumi nungeri anir Nagaland aser temeket nung yimjung atema inyaktsüla. Yimjung atema Naga nungeri tesünep aser telongjem osang proktsüla aser iba nungji Sumi nungeri tongtibang shilem ka agitsüla,” ta kasa sangdong nung shia lir.
Iba Ahuna benjung ajanga Nagaland nung tamangba lokti ajak tsüngda telongjem lidakjang ta sarasademer, ta sangdong nung shia lir.