Luanda, February 27 (Agencies): Africa southwest tsütsülen tentetba Angola linük nung yellow fever tashidak agi shiranga asür nisung 125 ajungba osang ka metetdaktsüogo.
Yaküm, 2015 küm December ita 30 nü nungi tenzüka par linük iba tashidak tanaben poktetshiba sülen tanü tashi nung nisung 664 tashi iba tashidak agi tonga aliba osang bushiteta lir.
“Luanda yimtiba kisüng nung yellow fever tashidak agi shiranga asür nisung 92 ajungba osang bushiteta lir,” ta Angola health ministry-ia metetdaktsü.
Africa aser Latin America’er Amazon region densema, talem tesemtem nung merila ajanga prokshidaktsüba yellow fever tashidak aneptsütsü asoshi tanü tashi mozü bushiteta mali.
Iba tashidak nungi kümzüka lidaktsütsü nükjidong nung sorkari par nüburtem rong nung vaccination agütsütsü mapatonga tan February ita tetenzüklen nungi tenzüka lir.
Alima ajunga nung yellow fever tashidak agi nisung 130,000 shi kümshi shirangdaktsüba aser parnok rong nungi nisung 44,000 shi asüba osang bushiteta aliba osang ka World Health Organization-ia metetdaktsüogo.
You must be logged in to post a comment Login