Angphang yimtsüng dak sendakba nung senden amen

Dimapur, Metsüremi/March 16 (TYO): SAGY (Saansad Adarsh Gram Yojana) Scheme MP adopted Village Angphang dak sendakba nung Committee aser Line Department senden ka March 16 nü Deputy Commissioner Mon, Thavaseelan K, IAS lenisüba kübok DC Conference Hall Mon nung menogo.
Senden nung SAGY Scheme kübok Angphang yimtsüng nung tinyakdak terenlok maparentem indang sensak asem. Tang tashi nung PHE department-i 10,000 liters capacity tzü tank ka agütsüogo aser metsümeshidak yangluzükogo. Horticulture Department-i ali hectar 141 nung Cardamom tsünütsüogo. Forest department-i naro süngtong 500 temtsüogo aser foot steps yanglutsüogo. Rural Development department-i self help group 43 tentettsüogo aser store pavement renemtsüogo.
Line department ajaki parnok tinyaktsü ajak benokogo aser sanction atadar ta metetdaktsü.