ANGPTA Mkg. District ajanga sangdonger

Mokokchung, January 22 (TYO): SDEO Mokokchung kübok inyaker Regular Primary tesayurtem ajak dangi association ajanga sangdong ka nung, seniority list renemtsü atema Directorate of School Education, Kohima nung documents bener oa agütsütsü renemdar, anungji tejangrar tesayurtem ajaki teküboklen agüja aliba kulitem Treasurer ki (Wb. Zulusangba) Penli Ward, below SDEO Office nung January 24, 2018 nikongdang 1:00 ako matongdangsa tongjang, ta metetdaktsür. Nüngdakbatemji- Appointment order, Regularization order, Transfer order (lira), Edu. qualification, Professional qualification-tem Xerox copy kaka aser tang teinyakdak tesem aser pei Contact Number den oliora atema nisung shia taa sen 100 agütsütsüla.
Iba den külemi züngsem shirnokisa 2017-18 atema membership magütsüi ali ajaki iba anogo nung tongsepjang ta Samuel, President ANGPTA, Mokokchung District ajanga sangdong ka nung nenshia metetdaktsü. Tongteprateptsü atema 9856817393/ 8732043656.