‘Angry Indian Goddesses’ film Zurich festival nung sayutsü

Mumbai, October 01 (Agencies): Toronto film festival nung Grolsch People’s Choice Award agizükba sülen, ‘Angry Indian Goddesses’ film 11 buba Zurich Film Festival nung sayutsü sentong renemogo.

Pan Nalin-i direct asüba aser Tannishtha Chatterjee, Sarah-Jane Dias, Sandhya Mridul, Anushka Manchanda, Amrit Maghera, Rajshri Deshpande aser Pavleen Gujral nungeri tongti shilem agiba ‘Angry Indian Goddesses’ film ya Zurich film festival nung sayutsü asoshi renemba tongti film rong nung densema lir.

‘Angry Indian Goddesses’ film ya Frieda ama shilem agila, Sarah-i la kibong akümtsü renemba osang lemsateptsü asoshi lar medemtsür 6 tashi Goa-i jaokba aser idakji parnoki ajurushiba tatalokba otsü dak ajemdaker yanglua lir.