Anil Ambani o Spielberg nati Amblin Partners tenteter

December 18 : India nunger shishilembar mongin, Anil Ambani-i tentetba Reliance Entertainment telok aser nungtugu Hollywood director, Steven Spielberg’er DreamWorks telok nati külemi lungjemer film, television aser digital sentongtem purateta yanglutsü telok tasen ka, Amblin Partners tentetogo.
Tan telok tasen tenteter rong nung US nung tenteta Jeff Skoll-i aniba tongti media shishilembatsü telok, Entertainment One (eOne)-a densema aliba osang jangjaogo.
Parnoki JP Morgan Chase aser Comerica Bank nungi dollar sen million 50 tashi apuba sülen tan telok tasenbaji tenteter lir.
Iba telok tasen tentettsü den sentakba rongsen shilem nung Sun Trust Bank, Union Bank, City National Bank aser Bank of America nungeria senotsü tsüka densemba osang jangjaogo.
Amblin Partners teloki Amblin, DreamWorks Pictures aser Participant nunger den külemi lungjemer film tasentem yanglua adoktsü alizüng yua lir.