Anil Kapoor-i tzü merükba company ‘Bluebird’ ajungkettsütsü

New Delhi, June 7, 2016 : Actor tejen Anil Kapoor Bluebird Group of Companies atema brand ambassador asütsü shimogo.
Memunui Anil Kapoor-i TV nung tzü merüktetba company ‘Bluebird’ ajungkettsüba angutsü.
“Tzü ajanga prokshiba tashidak nungi jenbua alitsü atema asenoki nüngdakba mineral peria aliba tzü temerük agitsü nüngdak. Bluebird-i temang nung timtem adokdaktsüba memerükbatem intoktsür nüngdakba mineral tem inoksemtsüba ajanga asen temang anema aliba nung yarir,” ta Anil-i sangdong ka ajanga ashi.
Bluebird-i sayaba AlkaRich Technology ajanga tzü nung pH (hydrogen tashi)tashi tali itdaktsür aser nüngdakba mineral tem inoksemtsür.
“Onok Anil Kapoor den longjemer inyaktsüsa maongka anguba atema kanga pelar. Pa sempet tajung aliba kija agia süng nüburtem atsüa arutettsü,” ta Bluebird Water Purifiers ngutetsang Aditya Mittal-i ashi.