Animated comedy ‘Toy Story 4’ sayatsü mapang atsülangogo

Los Angeles, October 29 (Agencies): 4buba ‘Toy Story’ movie sayatsü 2019 küm tashi atsülanger, ta Disney & Pixar-i sangdong.
Animation comedy film ‘Toy Story’ otsü ya Woody aser Bo Peep na nüknüraba ostü lir aser iba film ya June 15, 2018 nü sayatsü sentong renema liasü ajisüaka June 21, 2019 nü tashi atsülangogo.
Ano ‘The Incredibles’ film tasenbaa 2019 küm sayatsü aliba June 15, 2018 nü sayatsü, ta The Hollywood Reporter osang ajanga metetdaktsü.
‘Toy Story 4’ ya John Lasseter-i direct asütsü aser Rashida Jones o Will McCormack nati film otsü agütsütsü.
Iba film nung Voice cast zügsemtemji- Tom Hanks, Annie Potts, Tim Allen, Don Rickles, Estelle Harris, Joan Cusack, Bonnie Hunt aser Jeff Garlin nunger lir.
“Toy Story 4” aser “The Incredibles 2 den ano “Cars 3” film-a June 16, 2017 nü sayatsü.