Anirban-i President’s Cup nung shilem agitsü jenjang angur

New Delhi, September 08 (Agencies): Tebur golf asayar tarensen nung World No. 40, India nunger Anirban Lahiri-i tongti golf asayamong, President’s Cup nung shilem agitsü jenjang nguogo.
Anirban-i tan jenjang tajung anguba sülen President’s Cup asayamong nung shilem agitsü jenjang angur mezüngbuba India asayar kümogo.
Yashi tatem küma adoktsüba International Team tarensen nung Anirban-i 7 buba jenjang ngua President’s Cup asayamong nung shilem agitsü jenjangji angu.
Jaidee-ia 9 buba jenjang anguba sülen Anirban den külemi lungjemer iba tongti asayamong nung shilem agitsü jenjang ngua liasü.
“President’s Cup ama tongti asayamong nung shilem agitsü jenjang anguba atema kanga pelar,” ta Malaysian Open aser Hero Indian Open na indang takok marok agizüksang, Anirban-ia metetdaktsü.
Anirban o Thongchai nati Jason Day (Aus), Louis Oosthuizen (SAF), Adam Scott (Aus), Hideki Matsuyama (Jpn), Branden Grace (SAF), Marc Leishman (Aus), Charl Schwartzel (SAF) aser Danny Lee (Aus) nunger den külemi lungjemer captain Nick Price-i aniba International Team nung densemtsü jenjang tan angur lir.
Par teloki United States Team den Korea nung toktepa asayatsü lemzüka lir.
Küm ana nung ken asayaba President’s Cup asayamong ya Korea kübok Incheon City nung taruba October ita 6-11 nü tashi asayatsü ayonga lir.