ANISÜNGZÜKA MEJANGBA

Kechiyong yamaji Pai Pa meimba nem mejanga alidang agütsür. T. Ken 127:2
Asen takümji animesüngzüki anebaluba taküm ka masü saka tepela temang lir. Asen kotaker Tebui Pa chirtem nüngdakbtem agütsür aser asenoki masüngdangdang tama Pai asen nüngdaktem metet. Anungji asenoki shisabulu meli-i aser tebilemtsü balala bilema ayip mejangi meli-i mapang shidak nung asenoki yipteni aotsüla. Asenoki Tsüngrem dak metaloka alitsü angazükra asenoki aonung nükena meli-i ayipjanga mejangtsü, saka asenoki asen nüngdak ajak Kibuba nem nüngloktsütsüla, asenoki Pa indang shisadangba tanang asütsü aser Pai asenok jangratema mejangdaktsütsü.
Kibubai meimba asübaji tematiba takoktsü tetushiji lir. Shibai ibai aka pai/lai merumerua mebilemtsü, anungji merumerua bilemba ajakji mejangadoktsü. Kotak nunga dena Kibuba meimba dak alema ano kechi aka ? Anungji, O tanela anisüngzükang, kechiaser na ajak kar.
Aji saka Kibubai anisüngzük magütsü tashi asenoki ratamatar aser anisüngzüka malir, Pai aji inyaker. Yisuji asen yimjung, asen anisüngzük, asen dang Pa ajak. Tasü nung aser taküm nung asenok Pa teku nung anisüngzüka mejanger.
Ne tatok zü nung ni anisüngzüka mejangdaktsür. Ne tenüng asanger. Amen.