Ankush Dahiya-i gold medal akok

New Delhi, June 25 (Agencies): Mongolia Ulaanbaatar Cup boxing tournament nung India nunger boxer Ankush Dahiya (60kg)-i gold medal aser Devendro Singh (52kg)-i silver madal ta ngutetogo.
Arishi küm 19 tain Ankush shiba taoba Asian youth silver-medallist lir pai Korean nunger asayar Man Choe Chol split decision agi koka liasü aser kasa mapang nung Devendro Indonesia nunger asayar Aldoms Suguro-i maneni split decision agi akok.
Iba asayamong nung India nunger asayartemi gold ka, silver ka aser bronze medal asem ta koktetogo.
Yashi asaya nung K Shyam Kumar (49kg), Mohammed Hussamuddin (56kg) aser Priyanka Chaudhary (60kg) nunger semifinal asaya mekoki bronze medal dang koktet.
Tanü asaya nung Devendro mezüng asaya. Pai pa asayaba yim nung kanga dang aggressive sa asaya aser talangbaka pai amokbanger asaya saka India nunger asoshi tezüdangtsüka tetendangertemi 3-2 agi Suguro nem kokdaktsü.
Ajisüaka parnok tezüdangtepba mapang tatsüka tsüngda nung anenadok kechiyong Ankush-i Man Choe Chol madak takok ngua liasü.
Ankush-i pa aso ajen maongka agia Chol dak kanga junga ishiben ka tsüngshi aser iba ajanga iba tetoktepba pai akok.
Ankush atema senior jenjang nung iba ya mezüngbuba medal akokba lir.