Anna Camp aser Skylar Astin na aniasüngogo

January 04, 2016: Anna Camp aser Skylar Astin na 2012 küm musical comedy film, ‘Pitch Perfect’ nung külemi shilem agia ajurutepa liasü aser taküm tenzükliyongi tena aniasüngogo ta osang angazüker.
Camp-i iba osang ya Instagram ajanga metetdaktsüba den külemi lai la kuri (ring) tasenba den tetong den tangokba noksa lemsatepogo.
“Pai ni asüngdang. Ni HAI ta ashi !!!” ta Camp-i noksa nungji zülua lir, aser Astin-ia kasa noksa nung ‘Ni asüngdang. Lai hai ta langzü!!!’ ta zülua lir.
Tena Pitch Perfect movies nung ajurua liasü. Iba film nung Camp-i band lenir Aubrey Posen shilem agir.
Tena metettepba sülen 2013 küm nung tesentaktep yua medema aruogo.