Anna Hazare dangi pa amokmerenba shidi ka aruogo

Sikar, Oct. 11 (Agencies): Lokti asoshi inyaker, Anna Hazare dangi pa amokmerenba shidi ka tanü aruogo, iba sülen pa nem security takang agütsüogo, ta police-i ashi.
Senior police ketdangser kati ashiba agi, mejangjaba nisung kati Sikar nung Anna anenzüka aliba kima shidi ka toktsür ao.
Additional SP (Sikar) Prakash Kumar-i, nisung ka scooter nung arur iba shidiji toktsür ao ta Hazare pusemer kati police nem metetdakja liasü, ta ashi.
“Iba shidi nungji Hazare-i Sikar-i marutsüla ser nung aruogo ta zülua lir. Iba atema bushisüngdangdagi,” ta Kumar-isa shisem.
Asüng Hazare-i yimti nung lokti senden ka nung jembitsü sentong ayongzüka lir.