Ano maneni ao osang tajung ken kaküt nung temelenshi kar indang lemsateper.

–          S. Medem Kichu, Lerie Colony, Kohima

Iba ocet ajanga ni koba ken nung temelenshitsü indang ashir, iba ya original kensü den tera meputepba agi melenshi nungbo kanga dang tajung asütsü ta shidangerba dang lir. Nenok teinyakertemi tang kechi kensü nung yanglua amshir iba ya dang agitsü ta asünunga kecha masü.

Asen ken kaküt nung ken No. 19 ya original kensüji Sacred Songs & Salos (SSS) Sankey ken kaküt no 203(c) nung lir. Yangi kensüji mms/drm:rd:- td:-ta leplazü tatümpangba line nungji lir. Akhi dang nungi iba kensü nungi dang asen-i aten, aser par foreigner-temia yamaji dang atenba T.V., Motion picture, Ratio,  etc nung aseni ngua aruogo.

Saka tanü asüng adokba asen Ao ken kaküt aser English ken kaküt ajak nung kensü tera raksar yamai ang atener, mms/drm:-fm:-rd:-ta ang atener, koba , tangatsü nunga Tenor ola ang mesük.

Item teraksa ya tebilem nung parnok nungi adoker asütsü, kechiaser parnok lima  nung Dominations/Organisations balala aika dang lira ser item telok yagi mapang shia pei pei indang ken kaküt tasen adoker aser asenia itemji dang alia amshir aser kensüji raksar ali nunga kaküt nung kechi zülua ali ibaji dang amshir asünung teraksaji koba nungi adok tesülen memeteti akümer.

Saka asen küt nung original kensü aketba ken kaket lirji, iba kaket nungi reprangshia melenshir aten nung parnoki-a tesülen melenshitsü akok.

Ken No. 265 yesui jadaki angang, iba ken ya-a original kensüji S.S.S. ken kaküt No. 221 nung lira ser ibai 1996 küm asen Ao ken kaket Staff  Notation nung mezüng adokdang kensüji tera raksar adok.(1996 adokba ken kaket nung No.250) yamaji ajaki iba ya akhi ama original kensü nung yanglushitsüla ta jempitep aser ibaji yanglushir 2002 küm nungibo  shidakba kensü nung yanglushir atener. Germany nunger-i-a parnok National Anthem ken iba kensü nung atener, saka parnok-a iba teraksa kensü nung tang tashi atener.

Ano ken No. 18 ibaia kensü dang balala ashi, ken nung zülua aliba O ajak ken No. 19 den ketsa dang lir. Saka asen Ao O nung heading  nung amshiba O tetezü balala meyipzüka lir. Ajaki meratai atentsü atema ken anaprongla nung O ji ka dang amshi nung tapitba asütsü ta shidanger. English ken kaket nungbo S.S.S aser Staff  Notation nung adokba ajak nung uniform süadang kasa O dang amshia lir.